“Milan”la razılığa gələn fransalı hücumçu Jan-Filip Matetanın transferi baş tutmayıb. Buna səbəb futbolçunun tibbi baxışlardan uğurla keçə bilməməsi olub.
90plus.az xəbər verir ki, qış transfer dönəmində heyətini gücləndirmək istəyən “Milan” 28 yaşlı futbolçu ilə prinsipial razılıq əldə etmişdi. Lakin transfer son anda ləğv edilib.
Sağlamlıq müayinəsindən keçmədi
The Athletic nəşrinin məlumatına görə, rəsmi müqaviləyə imza atmaq və tibbi yoxlamalardan keçmək üçün Milana yollanan Jan-Filip Mateta sağlamlıq testlərində problemlə üzləşib. Müayinələr zamanı futbolçunun dizində problem aşkarlanıb və bu səbəbdən transfer dayandırılıb.
Mövsüm göstəriciləri
Jan-Filip Mateta bu mövsüm “Kristal Pelas” forması ilə bütün turnirlərdə 34 rəsmi oyunda iştirak edib. Hücumçu bu qarşılaşmalarda 10 qol vurub və 2 məhsuldar ötürmə ilə yadda qalıb.
