17 yaşadək qadın futbolçulardan ibarət Azərbaycan milli komandası Avropa çempionatının seçmə mərhələsindəki ilk qarşılaşmasında məğlubiyyətlə üzləşib.

90plus.az xəbər verir ki, B Liqasının 1-ci qrupunda yer alan millimiz Uelsin eyni yaş kateqoriyasına aid yığması ilə qarşılaşıb.

Kişineu şəhərindəki “Zimbru 2” stadionunda baş tutan oyun Uels komandasının 7:0 hesablı qələbəsi ilə nəticələnib.

U-17 millimiz qrupdakı növbəti görüşünü oktyabrın 27-də Kosovo yığmasına qarşı keçirəcək.