Bakıda hazırlıq toplanışında iştirak edən 21 yaşadək futbolçulardan ibarət Azərbaycan yığması növbəti yoxlama görüşünü keçirib.

90plus.az xəbər verir ki, U-21 komandamız son sınaq matçında Misli Premyer Liqasında mübarizə aparan “Şamaxı” klubu ilə üz-üzə gəlib.

“Liv Bona Dea Arena”da keçirilən qarşılaşma rəqibin 1:0 hesablı qələbəsi ilə başa çatıb.

Xatırlatma: U-21 yığmamız təlim-məşq toplanışı çərçivəsində ilk yoxlama oyununda I Liqa təmsilçisi “Səbail” üzərində 1:0 hesablı qələbə qazanmışdı.