19 yaşadək qadın futbolçulardan ibarət Azərbaycan yığması Avropa çempionatının seçmə mərhələsi çərçivəsində bu gün ikinci oyununa çıxacaq.

90plus.az xəbər verir ki, B Liqasının 5-ci qrupunda mübarizə aparan komandamız Şimali Makedoniyanın Strumitsa şəhərində həmin ölkənin eyni yaş kateqoriyasına aid yığması ilə üz-üzə gələcək.

Pis hava şəraiti və "Mladost" stadionunun meydanının yararsız vəziyyətdə olması səbəbindən 28 noyabr tarixindən bu günə qədər təxirə salınmış qarşılaşma Bakı vaxtı ilə saat 13:30-da start götürəcək. Matç Qoran Pandev Məşq Kompleksində baş tutacaq və oyunu Litvadan olan baş hakim idarə edəcək.

Xatırlatma: U-19 millimiz ilk qarşılaşmada Sloveniya komandası ilə oynayaraq 0:2 hesabı ilə məğlub olmuşdu.