21 yaşadək futbolçular arasında keçirilən Avropa çempionatının seçmə mərhələsində baş tutacaq Çexiya (U-21) – Azərbaycan (U-21) qarşılaşmasının hakim heyəti məlum olub.

90plus.az xəbər verir ki, bu barədə AFFA-nın rəsmi saytı məlumat yayıb. Oyun Şimali Makedoniyadan olan hakimlər briqadasına həvalə edilib.

UEFA-nın təyinatına əsasən, matçın baş hakimi Yovan Kaçevski olacaq. Ona laynsmanlar Daniel Vasilevski və Aleksandar Gyorgyeski, eləcə də dördüncü hakim funksiyasını yerinə yetirəcək Krumislav Gyorgiev kömək edəcək.

Qeyd: Çexiya – Azərbaycan U-21 komandalarının qarşılaşması oktyabrın 10-da, Bakı vaxtı ilə saat 20:00-da Karvina şəhərində yerləşən stadionda keçiriləcək.