Azərbaycanın əsas futbol millisinin Fransa və İslandiya ilə oyunlarının stadionu bəlli oldu.
90plus.az xəbər verir ki, DÇ-2026-nın seçmə mərhələsində Azərbaycan milli komandasının keçirəcəyi ev oyunlarının məkanı rəsmiləşib.
AFFA-nın mətbuat xidmətinin verdiyi məlumata görə, D qrupunun son iki turu çərçivəsində təşkil olunacaq qarşılaşmalar Bakıda baş tutacaq.
Noyabrın 13-də yığmamız “Neftçi Arena”-da İslandiyanı qəbul edəcək.
Noyabrın 16-da isə Bakının əsas stadionu olan Tofiq Bəhramov adına Respublika Stadionunda dünya nəhəngi Fransa ilə üz-üzə gələcək.
Hər iki matçın start fiti saat 21:00-da səslənəcək.
Qeyd: Azərbaycan millisi D qrupunda Fransa və İslandiya ilə yanaşı, Ukrayna yığması ilə də mübarizə aparır. Gərgin keçməsi gözlənilən bu oyunlar millimizin qrupdakı taleyində həlledici rol oynayacaq.
