“Real Madrid” PSJ-nin yarımmüdafiəçisi Vitinyanı mərkəz xəttində kreativliyi gücləndirmək üçün mümkün variantlardan biri kimi nəzərdən keçirir.

90plus.az xəbər verir ki, Defensa Central-ın məlumatına görə, keçmiş “Real Madrid” ulduzu Luka Modriç Vitinyanı bu rol üçün tövsiyə edib.

Vitinyanın müqaviləsində çıxış maddəsi olmasa da, mediaya görə, PSJ ilə belə bir razılaşması mövcuddur: əgər o, klubunu dəyişmək istəsə və 90–100 milyon avro arası təklif gələrsə, parislilər yarımmüdafiəçini buraxmalıdır.

Qeyd etmək lazımdır ki, Mbappenin transferindən sonra “Real Madrid” və PSJ arasındakı münasibətlər pisləşib.

ℹ️ Bu mövsüm Vitinya klub üçün 22 oyunda 5 qol vurub və 8 məhsuldar ötürmə edib.