“Liverpul”da Mohamed Salah böhranı – Misirli ulduz klubdan ayrılmağa hazırlaşır.
90plus.az xəbər verir ki, “Liverpul”da Mo Salah ətrafında yaranmış gərginlik pik həddə çatıb. Misirli ulduz son günlər verdiyi açıqlamalarla klubdakı vəziyyətdən ciddi narazı olduğunu açıq şəkildə bildirib.
🚨 Salahın sərt etirafları
Mo Salah son müsahibəsində start heyətinə düşməməsi, klubdan dəstək görməməsi və baş məşqçi Arne Slotla münasibətlərinin qəfil pozulmasından danışıb:
- “Klub üçün etdiklərimdən sonra bu məni incidir. Evdən çıxıb gəlirsən, amma startda olub-olmayacağını bilmirsən.”
- “Bu klubda mən gəldiyimdən bəri məndən çox qol vuran və assist edən yoxdur. Digər yerlərdə ulduzlara dəstək verirlər, amma mənə qarşı əksinə davranılır.”
- “Bir müddət əvvəl Harri Keyn 10 oyun qolsuz qalmışdı, hamı onu müdafiə edirdi. Mənə gələndə isə ‘ehtiyatda otursun’ deyirlər.”
Salah əlavə edib ki, yayda klub ona müəyyən sözlər verib, lakin hazırda üç matçdır ehtiyat oyunçular skamyasından kənara çıxa bilmir:
- “Çox açıqdır ki, kimsə günahı mənim üzərimə yükləmək istəyir. Verilən sözlərə əməl edin.”
🚨 Arne Slotun açıqlaması
Baş məşqçi Arne Slot Salahı niyə oyuna salmadığını belə izah edib:
- “3-2 öndə idik, oyunu nəzarətdə saxlamaq vacib idi. Bu mərhələdə qola ehtiyac yox idi, ona görə Endonu meydana buraxdım.”
- “Salah bir həftəyə AFCON-a gedir. Ondan əvvəl “İnter”lə də oyun var.”
Klub rəhbərliyi hərəkətə keçdi
Məlumata görə, “Fenway Sports Group” vəziyyətə müdaxilə edib. Klub rəhbərliyinin bu gün icraçı direktor və idman rəhbərliyi ilə toplantı keçirəcəyi bildirilir. İddialara görə:
- Salahın satılması
- Arne Slotun istefaya göndərilməsi
- Müvəqqəti baş məşqçi kimi Cerrardın gətirilməsi
variantlardan biri kimi müzakirə olunur. Qararın gün ərzində açıqlana biləcəyi deyilir.
🔗 Mənbə: Indykaila
Salahın son oyunu?
Mo Salahın AFCON-a getmədən əvvəl son matçda — “Brayton”la oyunda — misirli valideynlərini İngiltərəyə dəvət etdiyi bildirilir. Bu qarşılaşmanın onun “Liverpul”dakı son oyunu ola biləcəyi iddia edilir.
