Joze Mourinyonun UEFA Çempionlar Liqasındakı qayıdışı “Stamford Bric”də məğlubiyyətlə nəticələndi – 18-ci dəqiqədə Riçard Riosun avtoqolu “Çelsi”yə “Benfika” üzərində 1:0 hesablı qələbə qazandırdı.
Joze Mourinyo əvvəllər “Çelsi”də iki uğurlu mövsüm keçirmiş, sonra İtaliya və Türkiyədə çalışmış və son olaraq “Bruno Lage”nin yerini doldurmaq üçün “Benfika”nın baş məşqçisi təyin olunmuşdu.
90plus.az xəbər verir ki, matçdan sonra mətbuat konfransında Mourinyo komandasında istirahətin az olmasını və oyunçuların onun oyun üslubuna uyğunlaşması üçün qısa zamanın olmasını əsas faktorlar kimi qeyd etdi.
O, TNT Sports-a belə dedi:
“Dörd oyun keçirdik, arada iki gün vaxtımız oldu. Mən məşq etmədim, sadəcə bərpada olduü və mənim güclü tərəfim meydanda, məşq etməkdir.
Buna vaxtınız olmur. Komanda mövsüm ortasında baş məşqçi dəyişdirirsə, deməli işlər yaxşı getmir. Buna görə də bəzi çətinliklərimiz olmalı idi.
Məğlubiyyət həmişə məğlubiyyətdir, amma məğlubiyyətlə məğlubiyyət arasında fərq var. Buradan heç-heçə ilə də ayrıla bilərdik, bu da müsbət olardı.”
Jurnalistin “Komanda azarkeşlərin inamını geri qazanırmı?” sualına Mourinyo belə cavab verib:
“Biz bunu yalnız yaxşı nəticələrlə edə bilərik. “Qarabağ”la oyunun səhəri futbolçular evdən çıxmaq istəmirdilər. Amma sabah “Avenida da Liberdade”də şam yeməyinə getsələr, heç kim onları təhqir etməyəcək. Məncə, bu, müsbət haldır. Mən nəticə yönümlü insanam, uduzmaq uduzmaqdır, amma dediyim kimi, uduzmağın da müxtəlif formaları var”.
