Keçmiş futbolçu Məsut Özil və həyat yoldaşı 2014-cü il Türkiyə Gözəli Amine Gülşədən sevindirici xəbər gəlib. Məşhur cütlük üçüncü dəfə valideyn olmağa hazırlaşır.
90plus.az xəbər verir ki, 2019-cu ildə ailə həyatı quran Məsut Özil və Amine Gülşə xoşbəxt evliliklərini bir daha taclandırır. Cütlüyün 2020-ci ildə ilk qızları Ela, 2022-ci ildə isə ikinci qızları Eda dünyaya gəlmişdi.
Hazırda üçüncü övladlarını qucaqlarına almağa hazırlaşan məşhur cütlük bu xoş xəbərin sevincini yaşayır. Məlumata görə, Məsut Özil və Amine Gülşə körpələrinin cinsiyyətini hələlik açıqlamaq istəmirlər. Onların bu prosesi böyük diqqət və həssaslıqla davam etdirdikləri bildirilir.
