"Napoli" klubu "Sportinq"dən icarəyə götürdüyü Alisson Santos barədə qərarını verib.
90plus.az xəbər verir ki, bu barədə tanınmış insayder Fabrizio Romano xəbər yayıb. Bildirilir ki, İtaliya təmsilçisi braziliyalı vingerin transfer hüquqlarını tam şəkildə almağa hazırlaşır.
Futbolçunun göstərdiyi performans məşqçilər heyətini qane edib. Buna görə də A Seriyası təmsilçisi 23 yaşlı oyunçu üçün müqavilədə nəzərdə tutulan 15 milyon avroluq satınalma bəndini aktivləşdirəcək.
"Napoli" Alisson Santosu 2 fevralda icarəyə götürüb. Braziliyalı futbolçu Neapol klubunun heyətində indiyədək 5 rəsmi oyunda iştirak edib və 2 qol vurmağı bacarıb.
