”Napoli” “İnter” üzərində möhtəşəm qələbə qazanaraq A Seriyasında zirvəyə yüksəldi.
90plus.az xəbər verir ki, İtaliya A Seriyasında mövsümün ən gərgin qarşılaşmalarından biri baş tutub. “Napoli” doğma meydanda “İnter”i 3:1 hesabı ilə məğlub edərək turnir cədvəlinin zirvəsinə yüksəlib.
Bu oyun həm də birbaşa çempionluq yarışında vacib əhəmiyyət daşıyırdı. “Milan”ın ötən gecə “Piza” ilə 2:2 hesablı bərabərliyindən sonra bu nəticə “Napoli”yə liderliyi ələ keçirmək imkanı verib.
Son oyunlarda zəif çıxış edən və “PSV” qarşısında 2:6 hesablı ağır məğlubiyyət yaşayan neapollular üçün bu qələbə ciddi dönüş nöqtəsi oldu. Komandada Rasmus Hoylund, Stanislav Lobotka, Aleks Meret, Amir Rrahmani və Romelu Lukaku zədə səbəbindən iştirak etməsələr də, David Neres “yalançı doqquz” rolunda uğurlu çıxış edib.
“İnter”də isə Markus Tyuram və Matteo Darmianın yoxluğuna baxmayaraq, komanda son yeddi oyunu ardıcıl qələbə ilə başa vurmuşdu. Lakin bu dəfə onların seriyası Neapolda sona çatdı.
Napoli 3 - 1 İnter
Kevin De Bruyne 33' (P)
S. Maktominey 54'
H. Çalhanoğlu 59' (P)
Frank Anguissa 67'
Qollar:
https://t.me/doxsanplus/109657
https://t.me/doxsanplus/109663
https://t.me/doxsanplus/109664
https://t.me/doxsanplus/109665
Bu nəticədən sonra “Napoli” 2024/25 mövsümündə yenidən A Seriyasının liderliyini ələ alıb və çempionluq yarışında əsas favoritlərdən birinə çevrilib.
