RƏSMİLƏŞMƏK ÜZRƏ: Sam Byukema “Napoli”yə keçir — Kontenin yeni müdafiəçisi gəlir.
90plus.az xəbər verir ki, “Napoli” yay transfer pəncərəsində növbəti vacib addımı atmağa hazırlaşır. Klub “Bolonya”nın mərkəz müdafiəçisi Sam Byukemanın transferi üçün razılıq əldə edib. İtaliya mediasının və Fabrizio Romanonun məlumatına görə, transferin məbləği 31 milyon avrodur və bu rəqəmə əlavə bonuslar da daxil ediləcək.
25 yaşlı niderlandlı müdafiəçi artıq bir neçə həftədir ki, “Napoli”nin təklifini qəbul edib. Razılaşmanın hüquqi detalları son mərhələdədir və yaxın saatlarda sənədlərin imzalanması gözlənilir.
Byukema Antonio Kontenin rəhbərliyi altında “Napoli”nin müdafiə xəttində əsas fiqurlardan biri olmağa namizəddir. Komanda yeni mövsümdə daha balanslı və oturuşmuş bir müdafiə sistemi ilə çıxış etməyə hazırlaşır və bu baxımdan Byukemanın gəlişi vacib addım hesab olunur.
Qeyd: Sam Byukema ötən mövsüm “Bolonya”nın heyətində yüksək səviyyəli çıxışı ilə diqqət çəkmiş və klubun A Seriyadakı uğurlu mövsümündə əsas rollardan birini oynamışdı. Müdafiəçinin texniki keyfiyyətləri və oyunu oxuma bacarığı onu Kontenin sisteminə uyğun müdafiəçi kimi göstərir.
