NBA-də müntəzəm mövsümün həyəcanı 10 oyunla davam edib. Gecənin ən diqqətçəkən qarşılaşmalarından birində "San Antonio Spörz" səfərdə "Filadelfiya 76ers"i 131:91 hesabı ilə məğlub edib.

90plus.az xəbər verir ki, "Xfinity Mobile Arena"da keçirilən görüşdə qonaqlar üstün oyun nümayiş etdirərək mövsümdə 44-cü qələbəsini qazanıblar. Son 13 oyunda 12-ci qalibiyyətini əldə edən "San Antonio Spörz"də Devin Vassell və Dylan Harper hərəyə 22 xal toplayıb. Viktor Vembanyama isə 10 xal və 8 ribaundla yadda qalıb.

Mövsümdə 28-ci məğlubiyyətini alan "Filadelfiya 76ers"də türkiyəli basketbolçu Adem Bona 6 xal, 6 ribaund və 2 assistlə çıxış edib. Komandada Tayriz Meksi 21 xal, Cabari Uoker isə 20 xalla oyunu başa vurub.

"Los Anceles Leykers" evdə qələbə qazandı

Digər maraqlı görüşdə "Los Anceles Leykers" doğma meydanda "Nyu Orlean Pelikans"ı 110:101 hesabı ilə məğlub edib. Ardıcıl 3-cü, ümumilikdə isə 37-ci qələbəsini qazanan Los-Anceles təmsilçisində Luka Donçiç 27 xal və 10 ribaundla dabl-dabl edib. LeBron Ceyms isə 21 xal və 7 assistlə komandaya töhfə verib.

Mövsümdə 44-cü dəfə uduzan "Nyu Orlean Pelikans"da Zion Uilyamson 24 xal, Trey Mörfi isə 21 xal toplayıb.

Günün digər nəticələri:

• "Orlando Mecik" – "Vaşinqton Uizards" 126:109

• "Şarlott Hornets" – "Dallas Maveriks" 117:90

• "Klivlend Kavalyers" – "Detroit Pistons" 113:109

• "Mayami Hit" – "Bruklin Nets" 124:98

• "Toronto Raptors" – "Nyu York Niks" 95:111

• "Minnesota Timbervolvs" – "Memfis Qrizlis" 117:110

• "Çikaqo Bulls" – "Oklaxoma Siti Tander" 108:116

• "Sakramento Kinqs" – "Finiks Sans" 103:114