NBA çərçivəsində Almaniyanın paytaxtı Berlində keçirilən qarşılaşmada “Orlando Mecik” komandası “Memfis Qrizls” üzərində 118:111 hesablı qələbə qazanıb.

90plus.az xəbər verir ki, matça daha fəal başlayan “Memfis Qrizls” ilk hissədə üstünlük əldə edib və ilk dörddəbirliyi 39:23 hesabı ilə öz xeyrinə başa vurub. Buna baxmayaraq, ikinci hissədə oyunun ritmini dəyişən “Orlando Mecik” təşəbbüsü ələ alaraq hesabda önə keçib və görüşü qalibiyyətlə tamamlayıb.

“Orlando Mecik”in heyətində Paolo Bankero 26 xal və 13 ribaundla dabl-dabl edərək komandasının qələbəsində əsas rol oynayıb. Antoni Blek 21 xal, 6 ribaund və 7 məhsuldar ötürmə ilə seçilib. “Memfis Qrizls”də isə Ceren Cekson 30 xalla ən məhsuldar oyunçu olub, Santi Aldama 18 xal toplayıb.

Qeyd: Bu nəticə “Orlando Mecik” üçün mövsümdə növbəti qələbə, “Memfis Qrizls” üçün isə növbəti məğlubiyyət kimi qeydə alınıb.