Neymar: “Fluminense”yə keçməyə yaxın idim, amma “Santos”da qalmağa qərar verdim”.
90plus.az xəbər verir ki, Braziliya millisinin və “Santos” klubunun ulduz futbolçusu Neymar Jr FIFA Klub Dünya Çempionatında iştirak üçün “Fluminense”yə keçid ehtimalı barədə danışıb. Təcrübəli hücumçu bu transferin baş tuta biləcəyini etiraf edib, lakin sonda doğma klubunda qalmağa üstünlük verdiyini bildirib.
Neymarın sözlərinə görə, o, hələ tam formada deyil və əsas məqsədi qısa müddətdə optimal vəziyyətə qayıtmaqdır:
“Fluminense” klubuna keçməyə çox yaxın idim. Bu, FIFA Klub Dünya Çempionatında oynamaq üçün ciddi bir ehtimal idi. Hətta bu məsələ üzərində danışıqlar da aparıldı.
Amma bu addımı atmaqdan imtina etdim və “Santos”da qalmağa qərar verdim. Hələ 100 faiz formada deyiləm. Ən qısa zamanda tam hazır vəziyyətə gəlmək və komandama maksimum fayda vermək istəyirəm”.
Qeyd: Neymar bu ilin əvvəlində “Əl-Hilal” klubunda ağır zədələndikdən sonra uzun müddət yaşıl meydanlardan kənarda qalmışdı. Onun “Santos”a qayıdışı Braziliya futbol ictimaiyyəti tərəfindən böyük maraqla qarşılanıb.
📰: Fabrizio Romano
