"Santos"un 34 yaşlı futbolçusu Neymar qarşıdakı matçlar üçün Braziliya milli komandasının heyətinə çağırılmamasından sonra məyus olduğunu gizlətməyib.

90plus.az xəbər verir ki, təcrübəli oyunçu Karlo Ançelottinin onu yığmaya dəvət edəcəyini ümid edirmiş:

“Milli komandaya çağırılmamağım məni məyus etdi və bir qədər də əsəbiləşdirdi. Lakin hər günə, hər məşqə və hər oyuna diqqətimi yönəltmişəm. Qarşıya qoyduğumuz məqsədə çatmağa köklənmişəm. Milliyə sonuncu dəfə çağırılmaq şansım hələ var və bu istək içimdə yaşayır”.

Neymarın əsas hədəfi bu yay baş tutacaq dünya çempionatı üçün Braziliya millisinin heyətində yer almaqdır. Onun məhz mundialdan sonra futbolçu karyerasını başa vuracağı ehtimal olunur.