“Nottingem Forest” klubu italiyalı hücumçu Lorenzo Lukkanın mövsümün sonunadək “Napoli”dən icarəyə götürüldüyünü rəsmən açıqlayıb.

90plus.az xəbər verir ki, müqaviləyə əsasən, İngiltərə klubu yayda futbolçunun transfer hüquqlarını birdəfəlik almaq seçiminə malikdir.

25 yaşlı, 2 metrə yaxın boya sahib olan hücumçu “qırmızılar”ın hücum xəttini gücləndirmək üçün komandaya cəlb olunub və yeni klubunda 20 nömrəli formanı geyinəcək.

Lorenzo Lukka 2024/25 mövsümünü “Udineze”də uğurla keçirib və 14 qolla komandanın ən məhsuldar futbolçusu olub. O, əvvəlcə “Piza”dan icarə əsasında “Udineze”yə keçmiş, son iki mövsüm ərzində 75 oyunda 29 qol iştirakçılığı (qol və assist) ilə yadda qalıb.

Uğurlu çıxışı sayəsində Lukka İtaliya millisində 5 oyun keçirib və 2025-ci ilin yayında Antonio Kontenin rəhbərlik etdiyi “Napoli” klubuna transfer olunub.