Almaniya Futbol Federasiyası oktyabrın 14-də "Alyans Arena"da Niderland ilə oyundan əvvəl Manuel Noyer, Tomas Müller, Toni Kroos və İlkay Gündoğan üçün böyük bir vida mərasimi keçirməyi planlaşdırır.

90plus.az xəbər verir ki, matçdan əvvəl 4 oyunçunun hər biri azarkeşlər önündə hörmətlə qarşılanacaq.

Amma federasiya mərasimin rəsmi matç proqramına daxil edilməsi üçün əvvəlcə UEFA-dan icazə almalıdır.

Qeyd: UEFA Millətlər Liqasının II turunda Niderlandla Almaniya arasında ilk görüş 2-2 bitib. Cavab oyunu oktyabrın 14-də baş tutacaq.

Mənbə: Bild