Okan Buruk: “Liverpul qarşısında qələbə həm komandamız, həm də ölkə futbolu üçün motivasiya oldu”.

90plus.az xəbər verir ki, Çempionlar Liqasının 2-ci turunda “Qalatasaray” səfərdə “Liverpul”u 1:0 hesabı ilə məğlub edərək mövsümdə ilk qələbəsini qazandı və mətbuat konfransında İstanbul klubunun baş məşqçisi Okan Buruk belə danışdı:

“Çox önəmli bir gecə yaşadıq. Məncə yalnız oyunu qazanmaq deyil, həm oyun baxımından, həm də vizual baxımdan yaxşı idik. Azarkeşlərimizin matç öncəsi başlayan ehtirası, komandaya dəstəyi və hücum-müdafiə oyununa qatqısı çox vacib idi. Bu atmosferi yaradıb bizə dəstək olan azarkeşlərimizə təşəkkür edirəm.

Taktik baxımdan çox yaxşı işlər gördük. Qarşımızda Avropanın ən güclü və yaxşı heyətə malik komandalarından biri var idi və çox yaxşı bir baş məşqçiyə sahibdirlər. Matçın əvvəlindən sonuna qədər qol vurmaq üçün mübarizə apardıq. Erkən qol tapmaq bizim üçün üstünlük oldu və ikinci qol şansı da əldə etdik. Ümumilikdə göstərdiyimiz mübarizə ilə qələbəyə layiq olduğumuzu düşünürəm. Bu, çox önəmli qələbədir. Əvvəlcə oyunçularıma, sonra isə hər kəsə təşəkkür edirəm. 

Çempionlar Liqasında ilk turda yaşadığımız pis təcrübəni unutmadıq. “Liverpul”u məğlub edərək orada itirdiyimiz 3 xalı geri qazandıq. Yolumuz uzundur və davam edəcəyik. Bu qələbə həm bizim üçün, həm də ölkə futbolu üçün motivasiya oldu. Bir türk komandasının nələr edə biləcəyini göstərdik və buna görə çox xoşbəxtəm.”

Buruk “Liverpul” və “Tottenhem” qarşılaşmalarını müqayisə edərək əlavə etdi:

“Tottenhem matçında daha çox dominant idik, çox sayda qol şansı yaratdıq və bəlkə də 7-8 qol vura bilərdik. “Liverpul”la matçda isə rəqibə çox az imkan verdik. Onlar çox hücum edən, çox qol vuran bir komanda idi. Onlardan qol 'yemədən' oyunu başa vurmaq vacib idi. Çempionlar Liqasında qələbə qazanmaq çox çətindir. Bu qələbəni İngiltərə təmsilçisinə, çempion komandaya qarşı qazandığımız üçün çox məmnunam.”

Baş məşqçi klubun quruluş günü barədə də danışaraq bildirdi:

“Qalatasaray ailəsi üçün 1 oktyabr mübarək olsun. Mən futbolçu kimi uzun illər Avropada çoxlu oyunlarda iştirak etmişəm, indi isə baş məşqçi kimi çalışıram. Hər zaman qələbəyə fokuslanmışıq. UEFA Kuboku və Superkuboku qazandıq və Türkiyəni ən yaxşı şəkildə təmsil etməyə çalışırıq. Bu gün yalnız bir qələbə qazandıq, yolumuz uzun, hələ 6 oyun qalır. “Liverpul”a necə hazırlaşdımsa, "Budyo Qlimt" qarşısına da eyni şəkildə hazırlaşmalıyıq ki, bu qələbənin dəyərini sonrakı oyunlarda da göstərək.

Komandamızın bu ilki hədəfi Avropada uğurdur. Yaxşı heyətimiz var və bir-birimizə alışırıq. Hər oyun təcrübədir. Keçən mövsümdən qalan heyət var idi, yeni oyunçularla birlikdə onlar bir-birlərini tanıyır. Bu gün fərqli mövqelərdə oynayan oyunçularımız da var idi və məncə, çox yaxşı iş gördük.”

Okan Buruk oyunçuların konsentrasiyası barədə də danışdı:

“Ölkə çempionatı ilə Çempionlar Liqasının konsentrasiyası fərqli olur. Osimhen uzun müddət oynamamışdı və onun meydanda olması hər şeyi dəyişir. İkardi zədədən qayıdıb və yeni formaya girir. Bugün ilk dəfə tam heyət sahəyə çıxdı. Oyuna görə dəyişiklikləri edəcəyik.”

Rəqibin hücumunu minimuma endirmələrinə toxunan baş məşqçi belə deyib:

“Püşkdən sonra bütün komandaları izləməyə başladıq. Frankfurtla başladıq, çox izləyirik. Premyer Liqada bir çox oyunu izləyirik və rəqiblərin fərqli oyunlarını öyrənirik. Kristal Pelas daha geri çıxırdı, bəzən təzyiq göstərirdi. Özümüzə uyğun ən yaxşısını necə edəcəyimizi düşündük və 4-4-2 ilə qarşıladıq. Məncə, oyun disiplinində bu təzyiqlər önemliydi. Torreira, Lemina və Davinson ilə önəmli toplar qazandıq. Mən heç bir oyunu öz meydanımıza çəkilərək oynamamışam. Bu gün də bunu tətbiq etdik və “Liverpul”a çox az fürsət verdiyimizi düşünürəm.”

O, alman oyunçu Leroy Saneni də qeyd etdi:

“Leroy çox önəmli bir oyunçudur. Bu gün oyun planımızda üç mərkəz və iki cinahla oynadıq. Bu səbəbdən Leroya şans verə bilmədik. O komandamızla çox uyğunlaşmış və çox dəyərli oyunçudur. Sadəcə, 1:0 hesabını qorumaq üçün meydana ən uyğun oyunçuları seçdik.”

Buruk İlkay Gündoğanın oyununu da yüksək qiymətləndirdi:

“Bu gün ən yaxşı etdiyi şey Osimhen ilə birlikdə komandamızın müdafiəni irəli başlatması idi. Topa sahib olmaq və oyun intellekti baxımından bizə dəstək olur.”