Patrik Dorqunun “Nyukasl Yunayted”ə vurduğu möhtəşəm "havadan qol"u dekabr ayına görə “Mançester Yunayted”də Ayın Qolu seçilib.

90plus.az xəbər verir ki, bu qol Dorqunun klubdakı ilk qolu olub və həlledici rol oynayıb. Onun alt küncə doğru endirdiyi güclü zərbə “sağsağanlar” üzərində 1:0 hesablı qələbəni təmin edib. “Leççe”dən transfer olunan danimarkalı futbolçu nəhayət qol hesabını açdıqdan sonra bunu böyük sevinclə qeyd edib.

“Bu, yaxşı zərbə idi”, – Dorqu “Boksinq Dey”də Sky Sportsa açıqlamasında qol barədə danışarkən deyib.

“Bunu bacara biləcəyimi bilmirdim!

“Amma bu stadionda ilk qolumu vurduğum üçün də çox xoşbəxt idim. Möhtəşəm idi. [Ruben Amorim]in mənə dediklərini – özümə inam üzərində işləməyi – nəzərə aldım.

“Düşünürəm ki, bu gün yaxşı çıxış etdim. Sadəcə topa baxdım, onun enişini gördüm və zərbə endirdim. Məşqlərdə bunun üzərində çalışmışdım. Məncə, mənə kömək edən də elə bu oldu.”