Çempionlar Liqasının Liqa mərhələsində geriyə cəmi 1 tur qalmış “Mançester Siti” klubu UEFA Çempionlar Liqasında mübarizəni dayandırmağa yaxın görünür.

90plus.az xəbər verir ki, ötən gecə dünən Çempionlar Liqasının 7-ci turunda səfərdə PSJ-ə 2:4 məğlub olan "Şəhərlilər"in çalışdırıcısı kritik suala cavab verib:

"Man Siti" Çempionlar Liqasındakı mübarizəsini dayandırdımı?"

Pep Qvardiola: "Ola bilər".

"Mançester Siti" hazırda turnir cədvəlinin 25-ci pilləsində qərarlaşır. "Şəhərlilər" son turda qəbul edəcəkləri “Klub Brügge” komandasını məğlub edərsə, ilk 24 sırasına adını yazdıracaq.

İşdir, Pep Qvardiolanın komandası son turda da xal itirsə, o zaman turnir ilə vidalaşacaq.

Paradoks: Erlinq Haaland Çempionlar Liqasında:

 46 matç;
47 qol.