Nikolo Şiranın məlumatına görə, Pierluici Qollini “Roma”dan “Kremoneze”yə icarəyə keçib.

90plus.az xəbər verir ki, 29 yaşlı qapıçı 2025/26 mövsümünü A Seriyasına yenicə yüksəlmiş bu klubda keçirəcək və əsas məqsədi daha stabil oyun praktikası qazanmaqdır.

Karyerası ərzində “Atalanta”, “Tottenhem” və “Fiorentina” kimi klublarda da çıxış etmiş Qollini ötən mövsüm “Roma”da ehtiyat qapıçı funksiyasını yerinə yetirirdi. Lakin indi o, yeni başlanğıc üçün “Kremoneze”yə keçməyə qərar verib.

Transfer bazarında fəal olan “Kremoneze” Qollinini müdafiə xəttini gücləndirəcək əsas oyunçulardan biri kimi görür. Hazırkı icarə müqaviləsində satınalma şərti yer almayıb, lakin mövsüm ərzində hər iki klub vəziyyəti qiymətləndirəcək.