Fransız futbolçu Pol Poqba dopinq cəzasının başa çatması ilə futbol meydanlarına qayıtmağa hazırlaşır.
90plus.az xəbər verir ki, "Yuventus"da oynadığı dövrdə 2023-cü ilin sentyabrında qadağan olunmuş maddə testi pozitiv çıxan Poqba əvvəlcə dörd il müddətinə futboldan uzaqlaşdırılmışdı. Lakin İdman Arbitraj Məhkəməsinə edilən müraciətdən sonra bu cəza 18 aya endirildi.
Cəzasının bitməsi ilə Poqba 2025-ci ilin mart ayından etibarən yenidən futbol oynaya biləcək. Fransız ulduzun karyerasını "Barselona" və ya "Paris Sen-Jermen"də davam etdirəcəyi barədə iddialar var. "Barselona" rəhbərliyi Poqbanın təcrübəsindən yararlanmaq istəyir. Digər tərəfdən "Paris Sen-Jermen" də ulduz futbolçunu heyətinə qatmaq üçün hərəkətə keçib.
Poqba hələlik gələcəyi ilə bağlı rəsmi açıqlama verməsə də onun Avropanın top klublarından birində karyerasını davam etdirəcəyi gözlənilir.
