"Sumqayıt” Futbol Akademiyasının yetirməsi olan Sənan Muradlı Azərbaycan Premyer Liqasında dübüt edib.
90plus.az xəbər verir ki, o, "Sumqayıt"ın "Qarabağ"la oyununun (1-6) 86-cı dəqiqəsində Kamran Əliyevin əvəzinə meydana daxil olub. 2006-cı il təvəllüdlü yarımmüdafiəçinin Premyer Liqada debütü 17 yaş 338 günlüyündə gerçəkləşib.
Qeyd edək ki, Sənan Muradlı əsas komandanın heyətində ilk oyununu Azərbaycan Kubokunun 2-ci təsnifat mərhələsində baş tutmuş “Lerik” – “Sumqayıt” qarşılaşmasında keçirib. Həmin matçda 90 dəqiqə meydanda olan gənc yarımmüdafiəçi 1 qol vurmağa da müvəffəq olub.