Avropanın aparıcı klubları 2025-ci ildə ABŞ-da keçirilməsi planlaşdırılan klublararası dünya çempionatında iştirakdan bir-bir imtina edirlər.
90plus.az xəbər verir ki, bu barədə "Daily Mail" məlumat yayıb.
Qeyd olunur ki, FİFA ABŞ-da 32 komandanın iştirakı ilə klublararası dünya çempionatının keçirilməsi ilə bağlı razılığa gəlməyi planlaşdırıb. Funksionerlər hazırda Qətərdə davam edən DÇ-2022 zamanı Avropa klublarının nümayəndələri ilə danışıqlar aparsalar da, əksər komandalardan razılıq almayıblar. FİFA rəhbərliyi bu problemlə əlaqədar nə edəcəyini bilmir. Çünki onların məsələni həll etməyə vaxtları yoxdur.
İndi FİFA-nın 2025-ci il klublararası dünya çempionatını təşkil etməsi üçün çox az vaxtı qalıb. Çünki turnirin formatı hələ razılaşdırılmayıb, təsnifat mexanizmi müəyyən edilməyib. Həmçinin yarış üçün yayımçılar və kommersiya tərəfdaşları ilə danışıqlara başlanmayıb.