"Axmaq olduğumu düşünəcəklər" - "Mançester Yunayted"in futbolçusu

"Mançester Yunayted"in futbolçusu Luk Şou komandasının Çempionlar Liqasını qazana biləcəklərinə əmindir.

90plus.az xəbər verir ki, sol cinah müdafiəçisi klubun saytına açıqlamasında bu barədə danışıb.


O, “qırmızı şeytanlar”ın Avropanın ən nüfuzlu kuboku uğrunda mübarizə aparmaq üçün yetərli potensiala malik olduqlarını deyib:

"Komanda olaraq Çempionlar Liqasını qazana biləcəyimizə inanırıq. Bunu düşünməməyimiz üçün heç bir səbəb yoxdur. Ola bilsin, bəziləri bunu dediyimə görə axmaq olduğumu düşünəcək, lakin ÇL-i qazana biləcəyimizə inamımız və inamımız var. Soyunub-geyinmə otağında olan hər kəs – oyunçular, məşqçilər, eləcə də rəhbərlik eyni inanca sahibdir. İndi bir qədər sürət toplamağa, nəticə əldə etməyə və yaxşı oynamağa davam etməliyik."


Qeyd edək ki, "Mançester Yunayted" ÇL-in 1/8 final mərhələsində "Atletiko Madrid"lə qarşılaşacaq.

0 comments