"Ayaks"ın futbolçusu Sebastyen Alle Çempionlar Liqasının tarixinə düşüb. 90plus.az xəbər verir ki,o, "Beşiktaş"ı 2:1 hesabı ilə məğlub etdikləri görüşdə nail olub. Qarşılaşmada dubl edən forvard avrokubokların qrup mərhələsində ardıcıl 5 matçda fərqlənən 4-cü oyunçu olub. Daha əvvəl bunu İtaliya "Yuventus"undan Alessandro Del Piero (1995), hazırda Braziliyanın "Atletiko Mineyro" klubunda çıxış edən Dieqo Kosta (2014) və Almaniyanın "Borussiya" (Dortmund) komandasından Erlinq Holann bacarıb. Alle qitənin bir nömrəli klub turnirində 9 qolla bombarlik siyahısına da başçılıq edir