Azərbaycanı ÇL-də bu futzal klubu təmsil edəcək

Bu gün Azərbaycan Futzal Federasiyasının İcraiyyə Komitəsinin videokonfrans formatında iclası keçirilib.

90plus.az xəbər verir ki, iclasda AFF-nin prezidenti Zaur Axundov, vitse-prezident Rəmiş Malıyev, İcraiyyə Komitəsinin (İK) üzvləri – Mahmud Sadıqov və Turqay Fərzəliyev, AFFA-nın Futzal üzrə koordinatoru Zaur Hacı-Məhərrəmov iştirak ediblər. İK-nın iclasında pandemiya səbəbindən ötən il martın 14-dən ölkədə idman zallarının fəaliyyətinə qadağanın tətbiq edilməsi və buna görə futzal üzrə Yüksək Liqanın 2020/21 mövsümünün keçirilməməsi nəzərə alınaraq, növbəti mövsüm futzal üzrə UEFA Çempionlar Liqasında çıxış edəcək klub müəyyənləşib. Qərara əsasən, UEFA Çempionlar Liqasının 2021/22 mövsümündə ölkəmizi “Araz” klubu təmsil edəcək. Qeyd edək ki, AFFA-nın İcraiyyə Komitəsinin mayın 31-də keçirilmiş iclasında növbəti mövsüm futzal üzrə UEFA Çempionlar Liqasında çıxış edəcək klubun müəyyənləşdirilməsi Azərbaycan Futzal Federasiyasına tapşırılmışdı.

0 comments

Recent Posts

See All

Millimizin oyunlarında VAR tətbiq olunacaq!

DÇ-2022-nin Avropa zonası üzrə seçmə mərhələ oyunlarında bu ilin sentyabrından VAR (video-köməkçi hakim) sistemi tətbiq olunacaq. 90plus.az xəbər verir ki, bu barədə UEFA İcraiyyə Komitəsi qərar qəbul