Azərbaycan taekvandoçusu Dünya çempionatında bürünc medal qazanıb!


Azərbaycan milli komandası Meksikanın Qvadalaxara şəhərində keçirilən taekvondo üzrə dünya çempionatında ilk medalını qazanıb. 

90plus.az xəbər verir ki, yığmamızın aktivinə mükafatı Cavad Ağayev əlavə edib. 



68 kq çəki dərəcəsində yarışan idmançı mundialda mübarizəyə 1/32 finaldan başlayıb. Avropa çempionumuz ilk döyüşdə taylandlı Ço Çaiçonla üz-üzə gəlib. Rəqibinə 2:0 hesabı ilə qalib gələn Ağayev növbəti döyüşdə eyni hesabla polşalı Mateuş Şzesnovskini məğlub edib. 

Cavad 1/8 finalda özbəkistanlı Uluqbek Raşitovla  2:1, növbəti sınağında iordaniyalı Zaid Mustafaya 2:1 hesabı ilə qalib gəlib. O, finala gedən yolda cənubi koreyalı Do Yun Kvonla qüvvəsini sınayıb. Rəqib qələbə qazandığından idmançımız mundialı bürünc medalla başa vurub.  68 kq çəki dərəcəsində yarışın qalibi isə məhz Kvon olub. 

Qeyd edək ki, dünya çempionatı noyabrın 20-də başa çatacaq.

0 comments