"Azərbaycan yığması bəzi keyfiyyətlərə sahibdir" Serbiya millisinin oyunçusu

“Dünya çempionatına vəsiqə qazanmaq bizim arzumuzdur. Qrupumuz sıxdır və yalnız bir komanda dünya çempionatına birbaşa vəsiqə qazanacaq. Portuqaliya güclü komandadır və bizim üçün ən çətin rəqib onlardır. Bu yaxınlarda İrlandiya yığması ilə oynadıq və onların da yaxşı rəqib olduqlarını bilirik. 90plus.az xəbər verir ki, bu sözləri Serbiya millisinin futbolçusu Duşan Tadiç FİFA-nın saytına müsahibəsində deyib. "Ayaks"ın oyunçu DÇ-2022-nin seçmə mərhələsindəki digər rəqibləri olan Lüksemburq və Azərbaycan milliləri haqda da danışıb: "Lüksemburq və Azərbaycan yığmaları da bəzi keyfiyyətlərə sahibdir. Buna görə də, seçmə mərhələni keçmək üçün əlimizdən gələnin ən yaxşısını etməliyik”. Qeyd edək ki, Serbiya yığması martın 24-da İrlandiyanı, 27-də Portuqaliyanı qəbul edəcək, 30-da isə Bakıda Azərbaycanla qarşılaşacaq.




0 comments