Avstriya yığmasının yarımmüdafiəçisi Marsel Sabitzer Avro-2024-ün seçmə mərhələsi çərçivəsində sabah Azərbaycan yığmasına qarşı keçirəcəkləri oyun haqda danışıb.
90plus.az xəbər verir ki, o, mərhələyə uğurlu start vermək niyyətində olduqlarını deyib:
“Hansı yolu getdiyimizi bilirik. Yeni seçmə mərhələyə yaxşı başlamaq üçün sabahkı Azərbaycanla oyunda qələbə qazanmaq istəyirik. Bunun üçün hər şeyi edəcəyik".
Qeyd edək ki, martın 24-də “Raiffeisen Arena”da keçiriləcək Avstriya - Azərbaycan oyunu Bakı vaxtı ilə saat 23:45-də başlayacaq. Sabitzer bu görüşdə Avstriyanın kapitanı olacaq.