"Barselona" "Kamp Nou"nu tərk edir

"Barselona" iyun ayında başlayacaq yenidənqurma işlərinə görə "Kamp Nou"nu tərk etməyə hazırlaşır.

90plus.az xəbər verir ki, Barselona Bələdiyyə Məclisi arenanın yenilənməsi üçün lazımi tikinti icazəsini verib.


Barselonadakı bələdiyyə binasında təşkil olunan tədbirdə çıxış edən klub prezidenti Joan Laporta "Kamp Nou"nun bu şəhərdə inşa edilmiş ən böyük və müasir idman kompleksi olacağını deyib.


İnşaat işlərinə baxmayaraq, komanda növbəti mövsüm üçün fəaliyyətini "Kamp Nou"da davam etdirə biləcək. Birinci və ikinci tribunalar, texnoloji sahələr, stadionun ətrafına və infrastruktur işlərinə diqqət yetiriləcək. Lakin "Barselona" 2023/24 mövsümündə ev oyunlarını "Lluis Kompanis" stadionunda keçirəcək. Bu arena 55 min 926 nəfər azarkeş tutumuna malikdir.


Laporta açıqlamasında onu da qeyd edib ki, yenidənqurma layihəsi 2026-cı ildə başa çatacaq. Lakin arena həmin il xidmətə 100 faiz hazır olmayacaq. "Kamp Nou" stadionunun yeni xüsusiyyətləri arasında daha yüksək enerji səmərəliliyi üçün sistemlər, 360 dərəcəli ekran və 5G bağlantılarının istifadəsi kimi bir çox sistem olacaq. "Barselona" təmir xərclərini qarşılamaq üçün 1,5 milyard avro kredit istəyib.

0 comments