"Barselona"nın qış transfer pəncərəsi üçün planları məlum olub.
90plus.az xəbər verir ki, bu barədə "Mundo Deportivo" məlumat yayıb. Kataloniya təmsilçisi futbolçusu Serji Busketsin komandada qalıb-qalmamasından asılı olmayaraq, yarımmüdafiənin mərkəzinə yeni futbolçu cəlb etmək istəyir.
Xavi "Barselona"nın "Real Sosyedad"ın 23 yaşlı yarımmüdafiəçisi Martin Subimendi ilə müqavilə imzalamasında israrlıdır. O, bu yaxınlarda klubla müqaviləsini 2027-ci ilə qədər uzadıb və sözləşməsində 60 milyon avroluq sərbəst qalma maddəsi var. Xavi hesab edir ki, Subimendi Busketsin xüsusiyyətlərinə oxşar xüsusiyyətlərə malikdir.
"Barselona" rəhbərliyi Subimendini çox bahalı hesab edir və digər oyunçuları nəzərdən keçirir. Prezident Joan Laporta "Vulverhempton"un 25 yaşlı yarımmüdafiəçisi Ruben Nevesi bəyənir. Onun klubla müqaviləsi 2024-cü ilə qədərdir. Futbolçunun agenti Xorxe Mendeş Laporta ilə yaxın dostdur. Bunun sayəsində prezident "Barselona"nın Nevesin transferini reallaşdıra biləcəyini düşünür.
Xavi və onun məşqçi heyəti Rubeni transfer etmək variantına inanmır. Onlar bu futbolçunun Busketsi əvəz etməyə qadir olduğuna əmin deyillər. Laporta təkid edir ki, Neves transferi təkcə idman və maliyyə baxımından yaxşı bir razılaşma deyil, həm də Aleks Beyld ilə müqaviləni uzatmaq üçün Mendeşlə danışıqlarda kömək edəcək mühüm strateji hərəkətdir.
"Barselona" həmçinin "Çelsi" ilə müqavilələri 2023-cü ilin yayına qədər olan Nqolo Kante və Jorjinyonu da almağı düşünür.