Titenin istefasından sonra Braziliya millisinin baş məşqçisi vəzifəsinə namizədlər məlum olub.
90plus.az xəbər verir ki, bu barədə yerli mətbuat məlumat yayıb. Bildirilir ki, federasiya komandanın DÇ-2022-nin 1/4 finalında Xorvatiyaya məğlubiyyətinin (1:1, penaltilər seriyası - 2:4) ardından baş məşqçi vəzifəsinə daha iddialı və dünyaca məşhur mütəxəssis təyin etmək istəyir. Həmçinin rəhbərlik düşünür ki, bu çalışdırıcı yığmanı DÇ-2026-ya hazırlamalıdır və uzun müddət komandada qalmalıdır.
Federasiya baş məşqçi vəzifəsinə 2 əsas namizəd irəli sürüb: Pep Qvardiola ("Mançester Siti") və Karlo Ançelotti ("Real").
Xəbərdə o da qeyd olunur ki, Ançelotti özü də Braziliya millisini çalışdırmaqda maraqlıdır. Lakin o, cari mövsümü Madrid təmsilçisində başa vurmağı planlaşdırır.
Qeyd edək ki, Braziliyanın DÇ-2022-nin 1/4 finalında Xorvatiyaya məğlubiyyətindən (1:1, penaltilər seriyası - 2:4) sonra Tite baş məşqçi vəzifəsindən istefa verib.