"Bu turnirdə də azarkeşlərimizi sevindirmək istəyirik”- Qurban Qurbanov


“UEFA Konfrans liqası yeni turnirdir. İlk dəfə təşkil olunan turnirə tam məsuliyyətlə yanaşmalıyıq. Bizim üçün bu turnir ilk təcrübədir. Daha əvvəl də İsrail təmsilçiləri ilə qarşılaşmışıq".

90plus.az ın məlumatına görə, bu fikirləri "Qarabağ"ın baş məşqçisi Qurban Qurbanov UEFA Konfrans Liqasının II təsnifat mərhələsində İsrailin “Aşdod” klubuna rəqib olmaları barədə klubun rəsmi saytına açıqlamasında deyib.

49 yaşlı mütəxəssis bildirib ki, bu ölkənin çempionatı hər kəsə bəllidir: "İsrailin çox güclü klubları var. Təsdüfi deyil ki, mövsümü 3-cü pillədə başa vurublar. Amma “Aşdod” bizə tanış deyil və daha əvvəl qarşılaşmamışıq. Bu gündən etibarən rəqibi daha yaxından tanımağa, güclü və zəif tərəflərini araşdırmağa başlayacağıq. Rəqibi yaxından izlədikdən və araşdırdıqdan sonra ətraflı danışmaq olar. Bu turnirdə də azarkeşlərimizi sevindirmək istəyirik”.

Qeyd edək ki, Konfrans Liqasında II təsnifat mərhələsinin ilk oyunları iyulun 22-də, cavab görüşləri isə bir həftə sonra olacaq.


0 comments