top of page

Canni İnfantinoyla bağlı aparılan araşdırma dayandırılıb


FİFA-nın prezidenti Canni İnfantinonun vəzifə səlahiyyətlərindən sui-istifadə etməsi ehtimalı ilə bağlı İsveçrə Baş Purokurorluğu tərəfindən aparılan araşdırma dayandırılıb.


90plus.az xəbər verir ki, bu haqda FİFA-nın rəsmi saytı məlumat yayıb.İnfantinonun cinayət işi törətdiyinin ehtimal edilməsinə İsveçrənin keçmiş baş prokuroru Maykl Lauber arasında o, FİFA prezidenti olduqdan sonra baş tutan üç görüş səbəb olub. Görüşlər 2016 və 2017-ci illərdə keçirilib. 2020-ci ildə başlayan istintaqa görə, belə görüş ədalət mühakiməsinə maneçilikdir. Çünki Lauber 2015-ci ildən 2019-cu ilə qədər FİFA ilə bağlı korrupsiya araşdırmasına rəhbərlik edib. Lauberlə bağlı araşdırma başlayandan sonra İnfantinonun sələfi Zepp Blatter vəzifəsini tərk edib.

FİFA-nın araşdırılmanın dayandırılması ilə bağlı məlumatında isə bildirilib: “FİFA İsveçrə Baş Prokurorluğunun (OAG) 2017-ci ildə Surinamdan İsveçrəyə uçmaq üçün icarəyə götürülmüş şəxsi təyyarə ilə bağlı FİFA prezidenti Canni İnfantinoya qarşı istintaqı bağlamaq qərarını alqışlayır.

Bundan əlavə, OAG etiraf edib ki, bu səfərlərin o zaman bildirildiyi üsul tam əsaslandırılıb. OAG-nin qərarı ilə İsveçrə dövləti istintaqla bağlı bütün xərcləri öz üzərinə götürür və FİFA prezidenti də potensial kompensasiyadan imtina edərək, dəymiş ziyana görə hər hansı iddiadan imtina etmək qərarına gəlib. Prosesin başlanmasından bəri FİFA prezidenti tamamilə İsveçrə hakimiyyətinin sərəncamındadır və ümid edir ki, məhkəmə sistemi FİFA-nın indiki administrasiyasının keçmişi geridə qoyduğunu və indi nüfuzlu və hörmətli bir təşkilat olduğunu qəbul edir".

0 comments

Recent Posts

See All

Comments


bottom of page