2026-cı il futbol üzrə Dünya Çempionatının final oyunu ABŞ-nin Texas ştatında, Dallasda yerləşən stadionda keçiriləcək.
90plus.az "TASS"a istinadla xəbər verir ki, oyun Milli Futbol Liqasının (NFL) “Dallas Cowboys” klubunun “AT&T Stadium” ev stadionunda, baş tutacaq. Arenanın maksimal tutumu 105 min tamaşaçıdır. Stadion 2009-cu ildə istifadəyə verilib və 1,3 milyard dollar dəyərində qiymətləndirilir.
Dallasdakı stadion Dünya Kubokunun finalına ev sahibliyi etmək hüququ uğrunda yarışda Nyu-Cersidəki arenanı - NFL klubları “New York Giants” və “New York Jets”in oyunlarının keçirdiyi “MetLife Stadium"u qabaqlayıb.
2026-cı il Dünya Çempionatı ABŞ, Kanada və Meksika ərazisində keçiriləcək. Final iyulun 19-da baş tutacaq