Portuqaliya Futbol Federasiyasının istefaya göndərdiyi sabiq baş məşqçisi Fernandu Santuşa ödəyəcəyi təzminatın məbləği müəyyənləşib.
90plus.az "Correio da Manha"ya istinadən xəbər verir ki, federasiya 68 yaşlı mütəxəssisə 4 milyon 500 min avro təzminat ödəyəcək. Belə təzminat məşqçinin qurumla 2024-cü ilin yayına qədər müqaviləsi olması ilə bağlıdır. Müqavilə vaxtından əvvəl ləğv edildiyi üçün qeyd olunan məbləğ Santuşa veriləcək.
Xatırladaq ki, Santuş 2014-cü ildən Portuqaliya millisini çalışdırırdı. Onun rəhbərliyi altında komanda DÇ-2022-də 1/4 finalda Mərakeşə 0:1 hesabı ilə uduzaraq turnirdə mübarizəni dayandırıb.