"Fənərbağça"nın skautları "Qarabağ"ın futbolçusu Olavio Juninyo üçün Bakıya gəliblər.
90plus.az xəbər verir ki, yerli "Fotospor" nəşri bu məlumatı yayıb.
Onlar "Qarabağ"ın Portuqaliyanın "Braqa" komandasını mübarizədən kənarlaşdırdığı Avropa Liqasının pley-off mərhələsinin cavab oyununu izləyiblər.
İstanbul təmsilçisinin 27 yaşlı braziliyalı forvard barədə araşdırmaları davam etdirəcəyi vurğulanıb.
Juninyo 2023-cü ilin yayında "Qarabağ"a keçib.
Qeyd: Səfərdə "Braqa"ya qalib (4:2) gələn "köhlən atlar" Tofiq Bəhramov adına Respublika stadionunda əlavə vaxtda məğlub (2:3) olsa da, 1/8 finala yüksəlib. Ağdam təmsilçisi bu raundda Almaniyanın "Bayer 04" klubu ilə üz-üzə gələcək.