"Qollar buraxdığımız epizodlar istisna olmaqla, matçı əvvəldən sona qədər idarə etdik. "Keşlə"nin yarımmüdafiəçisi Felipe Santos yaxşı iş gördü, komandanın yarısını məğlub etdi və qol vurdu. Süni meydançada oynadığımızı xatırlatmaq istərdim. Əlbəttə, iki qol buraxmağımızdan məmnun deyiləm. Ancaq ümumilikdə çox iş gördük".
90plus.az xəbər verir ki, bu sözləri "Soçi"nin baş məşqçisi Vladimir Fedetov Konfrans Liqasının 2-ci təsnifat mərhələsində "Keşlə"yə 4:2 hesabı ilə qalib gələrək növbəti mərhələyə yüksəldikləri cavab oyunundan sonra keçirilən mətbuat konfransında deyib.
"Yekun zərbəni vurmaq çatmırdı. Rəqibə çox iradə və oynamaq üçün imkan verdik. Ancaq yenə də qollar vurmağı bacardıq və layiqli qələbə qazandıq" - deyə o bildirib. V.Fedetov deyib ki, "Keşlə"nin mübariz komanda formalaşdırdığına şübhəsi yoxdur: "Bu klubdan çox oyunçunun getdiyi, yenilərinin gəldiyi aydındır. "Keşlə"nin hücum və müdafiə arasında hələ balansı yoxdur. Oynamaq üçün vaxt lazımdır. Amma "Keşlə"yə qarşı oynamaq bizim üçün çətin idi. Təbii ki, qələbə bizi ruhlandırdı. Bundan sonra bərpa olunmaq daha asan olacaq".