“Portu”nun baş məşqçisi Serxio Konseysao “Arsenal”ın çalışdırıcısı Mikel Artetanın onu söydüyünü deyir.
90plus.az xəbər verir ki, ötən gecə Çempionlar Liqasının 1/8 finalında “Arsenal”ın penaltilərdə qalib gəldiyi matçdan sonra bu hadisə yaşanıb.
Konseysao bu barədə mətbut konfransınd danışıb: “Nəticə ədalətsiz idi. “Portu” qalib gəlməli idi. Arteta isə ailəmi təhqir etdi. Bunun ispan məşqçilərlə əlaqəsi olub-olmadığını bilmirəm, amma o, mənim ailəmi söydü”.
Mikel Arteta isə oyundan sonra keçirilən mətbuat konfransında yalnız “şərh etməyəcəm” deyərək mövzunu yekunlaşdırıb.
Oyundan sonra Arteta və Konseysaonun dialoq görüntüsünü izləyə bilərsiniz:
Qeyd: “Portu”nun baş məşqçisi S.Konseysao həmçinin 2021-ci ildə Çempionlar Liqasının matçından sonra “Çelsi”nin baş məşqçisi Tomas Tüheli də onu təhqir etməkdə günahlandırmışdı.