"Roma"nın baş məşqçisi Joze Mourinyo Konfrans Liqasının finalında "Feyenoord" üzərində qələbəni şərh edib .
90plus.az xəbər verir ki, mütəxəssis sevincini belə bölüşüb:
“A seriyasında "Torino”nu 3:0 hesabı ilə məğlub etdikdən sonra paltardəyişmə otağında oğlanlara dedim ki, biz üzərimizə düşəni etdik: Avropa Liqasına vəsiqə qazandıq. Və bu gün biz meydana iş üçün yox, tarix yazmağa çıxdıq. Biz bunu bacardıq. Əvvəldən Konfrans Liqasını qazanacağımızı hiss edirdik. Qarşılaşmalar getdikcə çətinləşdi, "Marsel" və "Feyenoord" kimi güclü komandalar qələbəyə iddialı oldular. Amma bütün diqqətimizi kuboka yönəltmişdik və çempionatda bu, bizə xal bahasına başa gəldi. “Roma”da qalıram, nə desələr də, buna şübhə yoxdur. Mən "Roma"da qalmaq istəyirəm. Klubun əla və vicdanlı sahibləri var. Biz bu layihə üzərində işi davam etdirməli və növbəti mövsüm üçün inkişaf planını müəyyən etməliyik.
Bütün beynəlxalq kuboklar önəmlidir. Yalnız mən və Trapattoni beş dəfə avrokubok qazanmışıq . Özümü qocalmış hiss edirəm. Mən 2003, 2015 və ya 2016-cı ildə (əslində, 2017-ci ildə - təxminən) qalib gəldim, indi isə 2022-ci ildə. İndi mən qələbədən və çimərliyimdə tətildən həzz alacağam”.
Qeyd edək ki, "Roma" "Feyenoord"u 1:0 hesabı ilə üstələyib və ilk dəfə keçirilən Konfrans Liqasının qalibi olub.