"Rauf və Nihad üçün dəvət bir neçə gün əvvəl oldu. Bildiyiniz kimi, "Qarabağ" - "Qalatasaray" arasındakı görüş xeyriyyə məqsədi ilə keçirilir. Oyunun bütün gəlirləri də Türkiyədə baş verən zəlzələdən zərərçəkənlərə göndəriləcək. Bu cür oyun üçün göndərilən təklifə yox demək olmazdı".
O, komandanın iki futbolçusu - Rauf Hüseynli və Nihad Quliyevin "Qalatasaray"la görüş üçün "Qarabağ"a cəlb olunmasına münasibət bildirib. Əsgərli iki futbolçunun olmamasının komandanın hazırlığına təsir etməyəcəyini bildirib: "Ayın 26-da komandaya istirahət veriləcək. Ona görə də, iki futbolçumuzun olmamasının hazırlığa təsir edəcəyini düşünmürəm.
İki futbolçumuzun "Qalatasaray"la matçda meydanda olub-olmayacağı haqda isə nəsə deyə bilmərəm. Əlbəttə, onlar da istəyər ki, "Qalatasaray"la matçda özlərini yaxşı tərəfdən göstərsinlər. Bu oyunu nəinki Azərbaycanda, Türkiyədə də səbrsizliklə gözləyirlər".