Bayer Leverkuzen"in qapıçısı Andrey Lunyovun "Qarabağ"a transferinin baş tutmamasının səbəbi bəllidir.
90plus.az xəbər verir ki, Ağdam təmsilçisi qolkiperin xidmətindən zədəli olduğu üçün imtina edib.
Belə ki, son müayinələr zamanı Lunyovun 1 ay yaşıl meydanlardan kənarda qalacağı müəyyənləşib. Bu isə o deməkdir ki, onun Konfrans Liqasının pley-off mərhələsinin matçlarında - Belçika "Gent"i ilə görüşlərdə "Qarabağ"a kömək edə bilməyəcəyi dəqiqləşib. Azərbaycan çempionatında gürcü qolkiper Luka Quqeşaşviliyə güvənən Qurban Qurbanovun Lunyovu məhz KL-də oynatmaq üçün transfer etməyi hədəflədiyi dəqiqdirsə, imtinanın da səbəbi aydınır.
Qeyd edək ki, "Qarabağ" "Gent"ə qarşı ilk oyununu fevralın 16-da Bakıda, cavab qarşılaşmasını isə 1 həftə sonra Belçikada keçirəcək.