AFFA İntizam Komitəsi "Sumqayıt"ın çalışdırıcı Samir Abasova cəza verib.
90plus.az qurumun saytına istinadən xəbər verir ki, Abasov Misli Premyer Liqasının 13-cü turunda "Neftçi"yə 2:1 hesabı ilə qalib gəldikləri matçdan sonra qeyri-idman hərəkəti edib.
45 yaşlı mütəxəssis buna görə 1 oyunluq cəza alıb.
O, senyabrın 19-da təyin edilən 3 aylıq sınaq müddəti başa çatmamış növbəti dəfə qırmızı vərəqə aldığına görə həmin tarixdə verilən 2 oyunluq şərti cəza üzərinə əlavə edilməklə ümumilikdə 3 matçlıq cəzaya məruz qalıb.
"Sumqayıt" klubunu isə S.Abasova görə 1000 manat cərimələyiblər.