Bu gün Misli Premyer Liqası, 30-cu turun açılış oyununda “Sumqayıt” evdə “Zirə” ilə qolsuz heç-heçə etdi!
90plus.az xəbər verir ki, Samir Abasovun komandası son 5 ev matçının yalnız 1-də qalib gəlib. Tərəflər arasında bu mövsüm ardıcıl 3-cü qolsuz bərabərlik qeydə alındı. 44 xala malik “Sumqayıt” 3-cü pilləyə yüksəldi.
Rəşad Sadıqovun kollektivi isə bütün turnirlərdə ardıcıl 4 qələbədən sonra xal itirdi. "Qartallar"ın “Sumqayıt”a qarşı məğlubiyyətsiz oyunlar seriyası 15-ə çatdı. 46 xal toplayan Zirə 2-ci yerdədir:
Sumqayıt 0-0 Zirə
Qeyd: Turun digər matçları aprelin 13-ü və 14-də olacaq.