Bakıdakı Olimpiya Təsnifat turnirində Paris-2024 Yay Olimpiya Oyunlarına lisenziya qazanan Ukraynanın azərbaycanlı yunan-Roma güləşçisi Pərviz Nəsibov jurnalistlərə açıqlama verib:
"Azərbaycanda bunu bacardığım üçün şadam".
90plus.az xəbər verir ki, 67 kq çəki dərəcəsində yer alan idmançı uğurunun davamını gətirmək istəyir:
"Həyatda asan heç nə yoxdur. Tokioda ikinci olmuşam. Paris olimpiadasında da əlimdən gələni edəcəyəm".
Nəsibov Azərbaycanın bu çəkidəki təmsilçisi Həsrət Cəfərov haqqında onun olimpiadada istənilən rəqiblə mübarizə apara biləcəyini vurğulayıb: "Bu, güləşdir hər şey ola bilər. Həsrət Cəfərovla kənarda dostuq, qardaşıq".
Güləşçi Bakıda doğma azarkeşlər önündə çıxış etməyin onun üçün çətin olduğunu diqqətə çatdırıb: "Burada mənim dostlarım, qardaşlarım var. Evdə uduzmaq olmaz".
Qeyd: Bu gün yunan-Roma növündə heç bir təmsilçimiz olimpiadaya vəsiqə əldə edə bilmədi.