"Barselona"nın çalışdırıcısı Xavi Çempionlar Liqasının 1/8 final mərhələsində "Napoli" ilə ilk oyundan gözləntiləri barədə danışıb.
90plus.az "Mundo Deportivo"ya istinadən xəbər verir ki, mütəxəssis 1/4 finala adlamaq üçün var gücləri ilə çalışacaqlarını bildirib:
“Napoli” güclü rəqibdir. Yaxşı müdafiə olunmaq və əks-hücumlara imkan verməmək bizim üçün prinsipialdır. Çətin oyun olacaq. Bundan sonra nə olacağını düşünmürük. Əsas məqsədimiz 1/4 finala adlamaqdır. Komandada birlik yaxşıdır. O cümlədən prezident Joan Laportadan və Dekudan, paltardəyişmə otağındakı mühitdən razıyam.
Biz həmişəki kimi meydana qələbə üçün çıxacağıq. Çünki biz “Barselona”yıq. “Barselona” üçün heç-heçə yaxşı nəticə deyil”.
Qeyd: "Napoli" - "Barselona" oyunu bu gün saat 00:00-da başlayacaq. Cavab görüşü isə martın 12-də olacaq.