“Mançester Yunayted” və “Tottenhem” Brantueyt üçün yarışa qoşuldu.

90plus.az xəbər verir ki, “Everton”un müdafiəçisi Cerrad Brantueyt Premyer Liqa nəhənglərinin diqqət mərkəzinə düşüb. “CaughtOffside” yazır ki, “Mançester Yunayted” və “Tottenhem” ingilis stoperin transferi üçün mübarizəyə başlayıb.

Məlumata görə, “Everton” 22 yaşlı futbolçu üçün 80 milyon avro tələb edir və klub rəhbərliyi bu məbləğdən aşağı təklifləri qəbul etməyi düşünmür.

Brantueyt 2024/25 mövsümündə “Everton”da etibarlı çıxışı ilə seçilib və həm müdafiədə sabitliyi, həm də topa nəzarətdə güclü olması ilə diqqət çəkib. Onun Premyer Liqada yüksək səviyyəli müdafiəçi kimi inkişafı böyük klubların marağını daha da artırıb.

Hələlik danışıqlarda irəliləyiş yoxdur, lakin transfer pəncərəsinin yaxınlaşması ilə bu yarışın daha da qızışacağı gözlənilir.